Kloer ass, datt dës Ween net kënnen um Crassier Terres Rouges geparkt ginn, sou wéi et d'Escher Gemeng alternativ proposéiert hat, well deen Terrain net befestegt a geséchert ass.
Déi gréng zoustänneg Ministeren Tanson a Kox plädéieren dann och an Zukunft fir regional administrativ Fourrièren, well an der Reegel d'Besëtzer hir Ween och séier nees siche ginn, wann de Protokoll bezuelt ass.
Saiséiert a confisquéiert Autoe kommen dogéint an d'judiciaire Fourrièren op Suessem a Colmer-Bierg, wou zejoert bal 560 Autoen stoungen, mee och d'Hallschent dovunner verkaf ginn. De Gestionnairen no wieren awer och dës Plazen un hir Limitten ukomm.
