Gefuerdert gi beispillsweis en Abezuel-System op all de Bankomater, méi kleng Klassen an der Grondschoul an eng Steier op Immobilien, déi eidel stoe gelooss ginn. Och eng onofhängeg Enquête-Kommissioun, déi Conclusiounen iwwert déi national Gestioun vun der Corona-Pandemie soll zéien, gëtt gefrot. Eng aner Petitioun wënscht sech, dass ee sech mat enger Vignette a senger Gemeng iwwerall kéint mam Auto parken.
E Beschäftegungsvertrag mat Schüler a Studente soll méiglech gemaach ginn, och baussent de Schoulvakanzen. Ee weidere Petitionär hätt gären en Enduro-Bike-Park am Süde vum Land.
Den Detail fënnt een um Site petitions.lu.
