Empfaange goufen d’Buergermeeschteren an d’Buergermeeschteschen um 17 Auer bei der Haaptentrée vun der Fouer, vu wou aus et dann op eng Visitt vun der Fouer goun.
Vun 19 bis 22 Auer konnt ee sech da vun de Buergermeeschteren aus 55 Lëtzebuerger Gemengen an de Restauranten zerwéiere loossen. D’Pai, déi d’Buergermeeschteren deen Owend vun de Foraine fir hir Aarbecht kréien, geet un d’Lëtzebuerger Rout Kräiz.
Wie sech dann nom Buergermeeschterdag nach weider amuséiere wollt, ass am Stall op seng Käschte komm. Hei ass ënner anerem den Oli P. opgetrueden.
An och soss hat d’Fouer nees genuch fir Grouss a Kleng ze bidden.
