Kuerz virun 18 Auer gouf bei enger Kollisioun tëscht zwee Autoen zu Miersch eng Persoun verwonnt. Ëm de Blesséierte gekëmmert hu sech d'Ambulanciere vu Miersch souwéi d'Pompjeeë vu Miersch a vu Fëschbech.
An der Nuecht gouf et iwwerdeem zwee Asätz op der A13, bei deem d'Autoe sech iwwerschloe hunn.
Een éischten Auto war géint 00:20 Auer op der Héicht tëscht Helleng a Fréiseng accidentéiert, eng Persoun gouf dobäi blesséiert. Op der Plaz waren d'Ambulanciere vun Diddeleng an d'Pompjeeë vun Diddeleng a Fréiseng.
E weidere Blesséierte gouf et da kuerz virun 2 Auer op der Héicht tëscht Fréiseng an Altwis. Hei waren nach emol d'Ambulanciere vun Diddeleng um Asatz, zesumme mat de Pompjeeë vu Fréiseng a vu Beetebuerg.
