Den Täter hat sech duerch d’Bascht gemaach a gouf am Laf vun der Nuecht verhaft. Hie kënnt e Freideg bei den Untersuchungsriichter.
Zu Diddeleng gouf eng jonk Fra vun engem Bekannte geschloen a blesséiert. De Schëllegen ass selwer op de Policebüro komm an huet e Freideg Rendez-vous beim Untersuchungsriichter.
Wéi d’Police weider mellt, war en Donneschdeg an Zesummenaarbecht mat der Douane eng gréisser Drogekontroll op der Gare zu Rodange. 37 Beamten an 2 Drogenhënn waren do am Asaz, dorënner 32 Polizisten aus der Regioun Sud-Ouest, 12 Beamte vun der Police criminelle an 2 Douanieren.
Am Ganze goufe 6 Drogendealer op frëscher Dot gepëtzt. Drogen an aner relevant Géigestänn goufe séchergestallt. Op Uerder vum Parquet goufen déi Verdächteg festgeholl a koume virun den Untersuchungsriichter.
