Déi zwee Verdächteg solle sech iwwer eng Glasdier hannen um Haus gewaltsam Zougang verschaaft an e puer Raim am Keller an um Rez-de-chaussée duerchsicht hunn. No éischten Erkenntnisser gouf näischt geklaut.
Eng grouss Sichaktioun mat e puer Policepatrullen, der Hondsstaffel an engem Helikopter gouf ageleet. Ee vun de Männer konnt kuerz drop an der Géigend gestallt ginn. Den zweete gouf géint 17.45 Auer an der Rue de Syren zu Alzeng festgeholl.
Den 11. August gouf der Police eng Persoun gemellt, géint déi schonn den Dag virdrun eng Plainte wéinst dem Verdacht op e Sexualdelikt gemaach gi war. Eng Policepatrull huet de Mann kuerz drop bei der Haltestell "Poutty Stein" um Kierchbierg fonnt. Bei der Kontroll huet sech erausgestallt, datt et géint hien en europäeschen Haftbefeel wéinst Sexualdelikter géint Mannerjäreger an Erwuessener gëtt.
Op Uerder vun der Parquet gouf de Mann festgeholl an an d'Untersuchungshaft bruecht. D'Ermëttlunge lafen nach.
