Scho viru méi wéi 2000 Joer goufen am ale China an am Noen Osten Virleefer vun der Glace consomméiert: Schnéi an Äis aus de Bierger gouf mat Friichten, Hunneg oder Gewürzer vermëscht.
D'Rezept vun der Glace - esou wéi mir se haut kennen - huet sech am Laf vun der Geschicht entwéckelt. Am 19. Joerhonnert mam Erfanne vun der Sorbetière an dem Frigo huet d’Glace e grousse Boom erlieft a begeeschtert zanterhier iwwerall ronderëm d’Welt.
