An der École Privée Marie-Consolatrice zu Esch/Uelzecht war dëse Mëttwoch d'Table ronde "CEO of my own life - Ces femmes qui tracent leur propre chemin". D’Schoul bitt hire Schülerinnen eng Formatioun, déi op d’Entwécklung vum Entrepreneur-Geescht ausgeriicht ass.
Zesumme mat fënnef weidere Gäscht, déi ganz ënnerschiddlech Liewensweeër hunn, huet d'Grande-Duchesse Maria Teresa un deem Event deelgeholl a jiddereen huet op seng Aart a Weis gewisen, datt Fraen d’Méiglechkeet hunn, hiert Schicksal selwer an d’Hand ze huelen.
D’Grande-Duchesse Maria Teresa huet den 170 Schülerinne vun hirem perséinleche Wee erzielt, hir Iwwerzeegungen an déi entscheedend Etappe vun hirem Liewe gedeelt, an der Hoffnung, dass all d'Gespréicher de jonke Fraen eng Inspiratiounsquell waren.
