D'Bereetschaft ze hëllefen ass nom Passage vum Tornado immens grouss. Hei e klengen Iwwerbléck vun organiséierten Aktiounen.

Handwierksbetriber hëllefen

An engem Schreiwes huet d'Federatioun "Jonk Handwierk Lëtzebuerg" matgedeelt, datt ee sech de Weekend zesummegsat hätt, fir esou vill wéi méiglech Entreprisen ze mobiliséierren, déi an de kommenden Deeg den Affer vum Tornado hëllefen.

20 Leit wieren dowéinst extra aus hirem Congé erëmkomm. Dëst géif awer bei wäitem net duergoen, fir d'Extraarbecht ze bewältegen. Dowéinst lancéiert d'Federatioun nach emol den Appell un d'Handwierksbetriber matzemaachen an eng Hand matunzepaken.

Schreiwes Jonk Handwierk:
No deenen trageschen Ereignisser vum leschten Freiden, huet d'Jonk Handwierk iwwert den Weekend sech zesummen gedoen fir esou vill wéi méiglech Entreprisen ze mobiliséieren fir an deenen kommenden Deeg den Affer vum Tornado ze hëllefen.

Insgesamt sinn ronn 20 Persounen, déi deelweis aus dem Congé erëmkomm sinn, am gangen den Léit op der Platz ze hëllefen. (Entreprise de Toiture Lucien Heinz Sàrl, Marco Poul S.àr.l, Gutland S.àr.l., Atelier de Menuiserie Design Jacques Constantin, Moma Schräinerei S.A., Menuiserie Guy Morheng S.àr.l, Isogreen S.à r.l, LuxAdministration Group)

Leider sinn dës Entreprisen elo scho esou vill duerch déi vill Arabescht beusprocht, dass mir elo gären nach eng Kéier en Appell un d‘Handwierksbetriber wëllen maachen fir den Affer vum Tornado eng Hand unzepaken!

Wann dir mat ärem Betrib hëllefen wëllt dann meld d'iech bei:

 help@jhl.lu

VIDEO: Opraumaarbechten an Hëllefen nom Tornado
D'Raumaarbechte gi weider an dobäi hëlleft een deem aneren.

Gemeng Mamer mat grousser Spend

Nodeems d'Gemenge Péiteng a Käerjeng eng Kontosnummer opgemaach hunn, fir Spenden eranzeginn, huet d'Gemeng Mamer spontan eng Spend vun 20'000 € gemaach.
Schreiwes vun der Mamer Gemeng:

Le collège des bourgmestre et échevins et le conseil communal de la Commune de Mamer s’engagent à soutenir financièrement les personnes touchées par la violente tornade ayant touché les communes de Pétange et de Käerjeng.

Ainsi, 10.000 euros seront versés à l’association « Käerjeng hëlleft » et 10.000 euros à l’association « Fir e gudden Zweck - Gemeng Péiteng ».

Le collège échevinal appelle également à la solidarité des habitants de la Commune de Mamer à montrer leur solidarité envers leurs concitoyens frappés par l’adversité en faisant un don aux deux associations coordonnant cette action de solidarité :

- Käerjeng hëlleft: CCPL LU78 1111 7024 7295 0000

- Fir e gudden Zweck - Gemeng Péiteng: BILL LU27 0026 0100 6485 5800

Communication : "Tornade Käerjeng / Pétange".

Les dons récoltés seront exclusivement utilisés à couvrir des dégâts non-couverts par les assurances des sinistrés.

Pour le collège échevinal :

Gilles ROTH – bourgmestre
Roger NEGRI – échevin
Marcel SCHMIT – échevin

Spendenropriff op Facebook

Op Facebook ginn e sëlleche Spendenopriff gemaach, déi schonn Deels den ugestriefte Montant erreecht hunn. Sou och dee vum Jacques Glod. Ugestrieft waren an enger éischter Phase 5'000 Euro. Mëttlerweil (um Méindeg de Moien), sinn et schonn iwwer 100'000 Euro déi gesammelt goufen. Wéi de Buergermeeschter Pierre Mellina op Nofro hin vum Lëtzebuerger Wort sot, géif ee sech mam Initiateur vun dëser Spendenaktioun treffen, fir ze kucken wou d'Suen am effikassten kënnen agesat ginn.

Link op Facebook

AUDIO: Spende nom Tornado / Reportage Tim Morizet

Mir waren e Méindeg de Mëtten op 105.000 Euro. Do hunn ech awer och e bëssen de Schiss an der Box. Esou eng Zomm huet een awer net all Dag um Compte. Dat sollt am Fong just eng kleng Action sinn, mä dat heiten erënnert un den Télévie an den Compteur, dee konstant klëmmt.“

Suen déi gutt solle genotzt ginn, dofir koum et och zu engem Treffe mam Péitenger Buergermeeschter.

D'Zill ass, fir e bëssen ethesch ze kucken, wéi mer déi Suen do sënnvoll verdeelen. Ech wëll, datt mer an enger éischter Phase iwwert d'Breet spenden, fir datt esou vill Leit, ewéi méiglech, déi schwéier betraff waren, entschiedegt ginn. Eng 120 Haiser sinn jo ouni Daach, wann déi direkt géife 500 Euro kréien, dat wiere 60.000 Euro, mat deenen een direkt kéint hëllefen.“

Déi aner Halschent soll un d'ASBL goen, déi sech esou staark zu Péiteng an Käerjeng agesat hunn. Alles awer natierlech ënnert der Kontroll vun der Gemeng Péiteng.

Och de Centre de la Sécurité et de la Santé au Travail (CSST) huet e Spendenopruff via Facebook gemaach. Si spenden och 25% vum Benefice vun all neier Commande déi bis den 30. August 2019 erakënnt.

Link op Facebook

Och den Télévie Rodange huet e Spendenopruff gemaach via Facebook. D'Leit goufen opgeruff, Kleeder op d'Plaz ze bréngen. An d'Solidaritéit fir d'Affer vum Tornado am Raum Péiteng-Käerjeng ass esou enorm, dass se bei der Privat-Initiativ zu Rodange quasi iwwerlafen. D'Hal ass esou gutt wéi voll.

Dowéinst den Appell näischt méi dohinner ze féieren. Deen Appell ass verbonnen mat engem grousse Merci.

Un déi sinistréiert Leit ass et den Appell laanscht ze goen.

Link op Facebook

Post: Betraffe Stéit kënnen Abonnementer aussetzen

An engem Communiqué huet d'Post matgedeelt, datt ee d'Cliente wéilt ënnerstëtzen. Esou sinn all déi betraffe Stéit fir de ganzen August vum fixen Abonnement doheem, also Haustelefon an Internet, befreit. Leit, déi méi laang net an hir Wunnengen zeréck kënnen, kënnen dëst Offer och verlängert kréien.

POST Luxembourg solidaire avec les victimes de la tornade

Suite à la tornade qui a touché vendredi 9 août le sud du pays, POST Luxembourg a décidé de soutenir les habitants de maisons ou d’immeubles endommagés qui sont clients de ses services. POST prendra à sa charge l’abonnement fixe (téléphonie fixe, Internet et télévision) du mois d’août pour toutes les personnes concernées. Cette action sera prolongée pour les clients qui seront privés de leur habitation durant plusieurs mois.

Suite à la tempête, certains câbles aériens de télécommunication ont également été sectionnés. POST et ses équipes techniques interviennent en ce moment pour effectuer les réparations dans les plus brefs délais. Les clients impactés seront gratuitement migrés vers le réseau fibre optique.

Les personnes concernées peuvent contacter le centre d’appels de POST 24h/24 et 7 jours sur 7 au numéro gratuit 8002 8004 ou envoyer un e-mail avec leurs coordonnées à l’adresse contact.telecom@post.lu avec comme sujet « Touché par la tornade » en indiquant l’adresse et le numéro de la ligne fixe concernée.

Roulotte an Zelter

Den Thierry Metzler huet RTL.lu kontaktéiert an ugebueden seng Roulotte an e puer Zelter zur Verfügung ze stellen, fir déi Leit, déi keen Daach méi iwwert dem Kapp hunn. Och hie mécht dofir op Facebook Reklamm.

Urban Office Luxembourg

Fir Firmen, déi hir Büroen net méi notze kënnen, bitt Urban Office Luxembourg - Co-Working as you want it un, dass een hir Büroen um Belval kann notzen, fir schaffen ze kënnen.

Restaurateur proposéiert Iessen

De Bob Gantenbein wëll de Betraffenen hëllefen awer och deenen aneren, déi Hëllefen eppes Guddes doen. Dowéinst proposéiert de Restaurateur vu Käerjeng um Samschdeg, fir de Betraffenen an den Hëllefsekippen e gratist Mëtteg- an Owesiessen, dat esouguer mam Gedrénks. E Samschdeg de Mëtteg gouf do eng Nuddel mat Bolognaisezooss ugebueden. Och um Sonndeg kréien d'Leit hei nees eppes z'iessen.

Dëst mécht de Restaurateur, obwuel seng Brasserie selwer Schued dovugedroen huet. Ënnert anerem ass d'Terrasse fortgeflunn an Deeler vum Daach sinn ofgedeckt.

AUDIO: Iessen fir d'Affer / Reportage Dan Spogen

Miwwelen an Transport vu Firma

De Klengen Transporter Lang huet eis da kontaktéiert a matgedeelt, datt och si géifen Hëllefen. Si hu Miwwelen, Frigoen a Wäschmaschinnen aus Hausopléisungen, déi si  betraffenen, déi alles verluer hunn, géifen zur Verfügung stellen. Donieft bidde se gratis den Transport vu Saachen oder de Recyclage un, esou wäit, wéi si et kënne stemmen.

Ekippe vun UN Käerjeng wëllen Hëllefen

Via Faceook huet de Footballveräin matgedeelt, datt verschidde vun hiren Ekippe vu 14 Auer un den Awunner a Geschäfter vun der Gemeng, déi vum Tornado getraff goufen, ze hëllefen.

Spillplaz.lu  -  Garde fir Kanner

D'Associatioun Spillplaz.lu bitt un um Samschdeg bis 20 Auer op d'Kanner opzepassen. Op der Adress 10, rue de Lénger gëtt eng Garde assuréiert. Et ginn Atelieren organiséiert, mat de Kanner gebastelt, et gëtt eppes z'iessen asw. Iwwert d'App vu Spillplaz.lu gëtt een direkt op déi richteg Adress guidéiert.

Jeff Thiry seet MERCI

Nodeems duerch de Stuerm vill Plastik op de Felder verdeelt gouf, hat e Bauer en Opruff gemaach, dass en Hëllef bräicht, fir de ganze Knascht anzesammelen, fir dass d'Béischten en net friessen. Vill Leit konnte mobiliséiert ginn an dofir dëse Merci via Facebook.

Also wollt awer lo mol eppes lass gin Als Pompjee sin ech jo gewinnt aner Leit ze hellefen. An ech sin immens frou, dass souvill Leit haut eis gehollef hun, den Dreck oozeraafen. Vun iwerall aus dem Land hun Leit eis hellef ugebueden. Mat deier gudder Hellef kruten mär een gudden Deel vun der Gemeng rem propper. Villmols merci jidderengen, deen eis gehollef huet, siew dei dei freiwelleg Leit, Pompjeeen an Gemeng Dippech Merci

Posted by Jeff Thiry on Saturday, 10 August 2019

Opgepasst viru falschen "Entreprisen"

Wéi et schéngt, sinn am Süde vum Land an tëscht och Leit ënnerwee, déi vun der Situatioun profitéiere wëllen. Wéi e User op Facebook schreift, hätte Leit, déi mat enger a Frankräich immatrikuléierter Camionnette ënnerwee wieren, hir Hëllef beim a Stand-Setze vum Dag proposéiert. Wéi se no hirer Autorisatioun gefrot goufen, wieren d'Männer an hire Won geklommen a fortgefuer.