E Freideg de Moie war den Direkter vum Syndicat Intercommunal de gestion informatique eisen Invité vun der Redaktioun.

2026 leeft déi aktuell informatesch Plattform, mat där d'Gemenge schaffen, of. Déi zoustänneg Entreprise verlängert de Programm och net. Dowéinst gouf elo de SIGI-Nova geschafen.

Dat huet den Carlo Gambucci, Direkter vum SIGI, dem Syndicat intercommunal de gestion informatique am RTL-Interview erkläert.

De SIGI-Nova ass den neien informatesche Programm fir d'Gemengen.

D'Gemenge-Beamten, respektiv -Aarbechter an och d'Bierger géifen hei verstäerkt mat agebonne ginn. De SIGI-Nova fonctionéiert och op eng ganz simpel verständlech Aart a Weis.

D'Ëmklammen op den neie Programm géif och ouni Problemer geschéien an d'Sécherheet wier garantéiert, sou den Invité vun der Redaktioun.

Op Detournementer an der Hesper Gemeng ugeschwat. Do gesäit de SIGI-Direkter Carlo Gambucci keng Schold beim informatesche System. Et wieren awer Gespréicher geplangt, ewéi een esou e Mëssbrauch an Zukunft kéint besser evitéieren.

Invité vun der Redaktioun: Carlo Gambucci

Rendez-vous fir den Interview mam Invité vun der Redaktioun all Dag vu méindes bis freides um 10 op 8 op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.