Politesch Responsabilitéit
D'Journalisteronn déi Kéier aus der Rockhal vum europäesche Biergerdag iwwert d'Zukunft vun Europa.
D'Leit wëlle keng Neiwahlen, soe se an engem RTL-Sondage, an awer gesi se d'politesch Responsabilitéit vum Staatsminister engagéiert – ee Paradox oder gesonde Mënscheverstand?
Dat froe mer ënnert anerem Journalistekollegen an eiser Emissioun „Presseclub“.
De Presseclub innovéiert fir seng lescht Editioun virun der Vakanz a plënnert vun de Studioen um Kierchbierg an d'Rockhal.
Am Presseclub: d'Michéle Sinner vum Land, de Marc Schlammes vum Wort, de Claude Karger vum Journal an de Richard Graf vun der WOXX.
De Presseclub héiert Dir all zweete Sonndeg tëscht véierel op 11 a Mëtteg op RTL Radio Lëtzebuerg an am Livestream op RTL.lu, wou Dir d'Emissioun dono och am Audio-Archiv an an der News-Rubrik "Presseclub" fannt.
