De Lionel Messi trauert ëm säi Papp. Den Jorge Messi ass 68 Joer al ginn. Hie soll e Freideg géint 22 Auer an enger Klinik a senger Heemechtsstad Rosario gestuerwe sinn. Säi Kandheetsveräin Newell's Old Boys huet den Doud confirméiert.
Scho wärend der Weltmeeschterschaft an den USA, Kanada a Mexiko, an och an de leschte Woche waren ëmmer nees Meldungen aus Argentinien opgedaucht, dass de Jorge Messi schwéier u Bauchspeicheldrüsekriibs erkrankt wier.
De Lionel Messi war och bei engem Match géint Algerien, bei deem hien en Hattrick markéiert hat, an Tréinen ausgebrach.
Säi Papp war och Manager a Beroder vu sengem Fils. Hien ass deemools zesumme mam Lionel Messi vun Argentinien op Barcelona geplënnert, fir bei him ze sinn. Spéider huet den Jorge Messi och d'Transfere vu sengem Jong vum FC Barcelona bei Paris Saint-Germain an dono bei Inter Miami matverhandelt. Bei Inter Miami steet de Lionel Messi aktuell ënner Kontrakt.
De Lionel Messi hat 2022 iwwer säi Papp gesot, hie wier immens kritesch mat him gewiescht, an dat hätt hien ëmmer dozou bruecht, sech nach méi ze verbesseren.
De Jorge Messi war fir säi Jong vill méi wéi nëmmen en Agent. Hie war dem Lionel säin éischten Trainer an Argentinien.
