Am Playoff fir d'Gruppephas vun der Champions League hunn d’Young Boys Bern en Donneschdeg doheem am Allersmatch 2:2 géint de Roude Stär Belgrad gespillt.

Den Nationalspiller Christopher Martins stoung déi 90 Minutten iwwer um Terrain.

De Lars Gerson ass iwwerdeems mat Norrköping ouni Problemer an der Coupe weider. Mat engem klore 6:1 konnt sech d'Ekipp vum Lëtzebuerger an der schwedescher Coupe zu Timra duerchsetzen.

Schonn an der Paus stoung et hei 3:0 fir d'Favoritten, dat no Goler vum Holmberg (34'), Kusu (39') a Johannesson (45'+2).

No der Paus huet de Blomqvist (56') erhéicht, ma 3 Minutte méi spéit ass d'Ekipp aus der 2. Divisioun duerch den Nordlund den Éieregoal gelongen. Et waren dann den Alvarez (78') an den Bjork (90'+2) déi fir d'Schlussresultat vu 6:1 gesuergt hunn.