En Dënschdeg hunn d'Lëtzebuerger Damme bei der Dëschtennis-Europameeschterschaft zu Nantes a Frankräich eng éischte Kéier gewonnen.

Am 1. Match vun der Gruppephas hunn d'Lëtzebuerger Damme mat 3:1 géint Griicheland gewonnen. D'Ni Xia Lian huet hir Partie souverän mat 3:0 gewonnen, d'Sarah de Nutte huet hir béid Matcher mat 3:1 gewonnen, allerdéngs huet d'Tessy Gonderinger hiren Eenzel mat 0:3 verluer. En Donneschdeg spillen d'FLTT-Damme géint den Organisateur Frankräich, wou da schonn d'Decisioun kéint falen, fir an d'Véierelsfinall ze kommen.

Fir d'Hären ass et net esou gutt gaangen, déi hu sech no enger zwar gudder Leeschtung nawell mat 1:3 géint England misse geschloe ginn. De Luka Mladenovic huet ee Match fir Lëtzebuerg gewonnen.

Hären

Ekipp: Luka Mladenovic, Eric Glod, Gilles Michely a Christian Kill

Spillplang: Dënschdeg um 16 Auer um Dësch 3 géint England an e Mëttwoch um 13 Auer um Dësch 3 géint Wäissrussland

Dammen

Ekipp: Ni Xia Lian, Sarah de Nutte, Tessy Gonderinger a Sarah Meyer

Spillplang: Dënschdeg um 10 Auer um Dësch 4 géint Griicheland an en Donneschdeg um 19 Auer um Dësch 2 géint Frankräich.