E Sonndeg goung et mam 4. Tour bei der Darts-WM zu London am "Ally Pally" weider.

Den Titelverdeedeger Michael van Gerwen konnt sech mat engem 5:2 géint den Darius Labanauskas duerchsetzen. Dobäi war d'Partie tëscht dem Hollänner, deen als Favorit an dës Partie goung, an dem Mann aus Litauen alles anescht wéi eng kloer Saach. Um Enn huet de "Mighty Mike" d'Nerven awer behalen an ass mat der Victoire iwwer de Labanauskas an d'Halleffinall agezunn.

Wéi scho bei der Darts-WM zejoert ass den Nathan Aspinall och dëst Joer an d'Halleffinall agezunn. Den Englänner huet an der 1. Véierlsfinall vum Dag den Dimitri van den Bergh mat 5:3 geklappt. "The Cool Hand" Luke Humphries ass iwwerdeems géint de Peter Wright erausgeflunn. De Schott huet 5:3 géint den Englänner Humphries gewonnen.

Déi eenzel Resultater am Iwwerbléck

Nathan Aspinall - Dimitri van den Bergh 5:3
Luke Humphries - Peter Wright 3:5
Michael van Gerwen - Darius Labanauskas 5:2
Glen Durrant - Price Gerwyn (1:5)