E Samschdeg konnt sech schonn den HB Käerjeng souverän mat 31:18 géint den HB Diddeleng behaapten.

E Samschdeg den Owend war am Lëtzebuerger Handball-Championnat bei den Dammen den Optakt vum 11. Spilldag. E Sonndeg huet de Chev Dikrech doheem an Ënnerzuel géint den HB Museldall gewonnen. De Leader an der Tabell ass den HB Käerjeng.

Dammen-Handball

Chev Dikrech - HB Museldall 35:29 (16:14)

Am Duell tëscht den direkte Konkurrenten hate béid Ekippen all Interêt dorun, fir de Match mat enger Victoire op en Enn ze bréngen. De Score ass an den Ufanksminutten hin an hier gesprongen, Dikrech krut awer ronderëm déi 20. Minutt ee kléngt Lach an ass mat enger 2-Goler-Féierung an d'Paus gaangen. Dono war et weider ee ganz serréierte Match, an deem weder d'Ekipp aus der Ieselsstad, nach d'Miseler wollten noginn. An der 32. Minutt krut de Chev d'Sabrina Müller vum Terrain gesat, esou goung et an Ënnerzuel weider. D'Dikrecher Dammen hu sech an de Schlussminutten net aus der Rou brénge gelooss an d'Partie um Enn zimmlech däitlech gewonnen.

HB Käerjeng - HB Diddeleng 31:18 (14:7)

Vun Ufank un war et d'Lokalekipp déi dësem Match hirem Stempel opgedréckt huet. No 7 Minutte stoung et schonns 5:0. Diddeleng ass dësem Réckstand de ganze Match hannendrun gelaf, sou dass et an der Paus aus der Siicht vun de Gäscht 7:14 stoung. Käerjeng huet an der 2. Hallschent näischt méi ubrenne gelooss, a gewënnt souverän a gläichzäiteg iwwerraschend däitlech mat 31:18 géint den HBD.