Mat 1:3 hu sech d'Lëtzebuergerinnen misste géint d'Favoritte geschloe ginn. An och d'Hären hunn mat 0:3 géint Indie verluer.

Dammen

Alles misst ideal verlafen, fir datt d'Lëtzebuergerinnen eng Chance géint Singapur hätten. An et hat och gutt fir d'FLTT Formatioun ugefaangen, well den Duo Ni Xia Lian a Sarah de Nutte konnte sech mat 3:2 géint Lin Ye a Yu Mengyu duerchsetzen.

Am Eenzel du waren d'Favoritinne kloer méi staark. D'Nummer 8 op der Welt Feng Tianwei huet am éischte Match dem Tessy Gonderinger keng Chance gelooss an dësen 3:0 gewonnen. Am drëtte Match ass si dunn op d'Ni Xia Lian getraff, wou si sech 3:2 behaapte konnt. d'Sarah de Nutte ass am zweete Match géint Yu Mengyu ugetrueden an d'Spillerin aus dem Singapur huet dëse kloer mat 3:0 gewonnen.

Esou zéien d'Lëtzebuerger Dammen géint de Favorit mat 1:3 de Kierzeren a sinn domadder eliminéiert.

Hären

D'Häre sinn um 17 Auer eiser Zäit op Indie getraff, déi bei dësem Tournoi op 5 gesat sinn.

Och de Männer sollt et bei de Partie géint Indien net méi einfach falen. Den Eric Glod a Gilles Michely verléieren am Dubbel ganz knapp mat 11:9 a 16:14 géint déi indesch Formatioun Desai/Achanta.

An der zweeter Partie ass dunn bal d'Sensatioun vum Luka Mladenovic géint den indeschen Topspiller Gnanasekaran gelongen. Déi éischt 2 Sätz goungen nämlech un de Lëtzebuerger, dat mat 11:8 an 11:9. Ma et ass dem Lëtzebuerger dunn awer net gelongen deen 3. feelende Saz nach ze gewannen, sou dass d'Partei 3:2 fir den Inder ausgaangen ass.

Méi kloer goung et dunn an der 2. Partie zugonschte fir Indien aus. Den Eric Glod verléiert hei de Match 1:3 géint den Achanta Sharath Kamal, der 33 op der Welt.