E Mëttwoch steet fir d'FLT-Dammen zu Esch am nationalen Tenniszenter hir éischt Partie am Fed Cup an der Europa-Afrika-Grupp 1 géint Schweden um Programm.

Kuerz virum Match géint Schweden koum d'Nouvelle, dass d'Lëtzebuerger Nummer 1 krank ass an net matspille kann. Deemno ass dëst nom Claudine Schaul schonns den zweeten Ausfall bei den FLT-Dammen, déi et domat ganz schwéier dierfte kréien.

Fed Cup / Day 1 - Reportage Jeff Kettenmeyer

Am éischte Match krut d'Tiffany Cornelius et du mam Mirjam Bjorklund ze dinn. D'Lëtzebuergerin huet dëse Match mat 1:6 an 3:6 verluer. D’Partie huet genau eng Stonn gedauert.
D’Lëtzebuergerin Eleonora Molinaro wënnt géint d’Schwedin Johanna Larsson an 3 Sätz, am decisiven mat 6:1. Virdrun ass 0:6 a 6:3 gespillt ginn. Déi 19 Joer jonk Lëtzebuergerin huet sech an enger exzellenter Form presentéiert.

D'Eleonora Molinaro

D'FLT-Dammen haten domat op 1:1 ausgeglach. D'Decisioun huet deemno am Dubbel (Molinaro/Cornelius) musse falen.

Lëtzebuerg huet am decisive Dubbel den éischte Saz 4:6 verluer an och den zweete Saz goung mat 1:6 kloer u Schweden. D’FLT-Dammen zéien domat um éischten Dag 1:2 géint d’Schwedinnen de Kierzeren. En Donneschdeg geet et um 16 Auer viru mam Gruppematch géint Serbien.

Weider Fotoe vum Roland Miny fannt Dir op pressphoto.rtl.lu.