E Sonndeg den Owend konnt de Lëtzebuerger Nationalspiller säin éischten Titel an Italien mat sengem Veräin feieren.

An Italien war et e Sonndeg eng spannend Finall vun der Coppa Italia tëscht Lube Civitanova a Perugia. Um Enn konnt sech Civitanova a 5 Sätz mat 3:2 (21:25, 25:23, 25:23, 34:36, 15:10) duerchsetzen. Domadder huet d'Ekipp vum Kamil Rychlicki d'Coupe an Italien gewonnen.

Am belsche Championnat huet Waremme mam Chris Zuidberg 1:3 (17:25, 23:25, 25:21, 16:25) géint Lindemans Aalst verluer.

Am Handball gewënnt d'Tina Welter mat Frisch Auf! Göppingen an der däitscher Bundesliga mat 34:26 géint Kurpfalzbären a konnt 2 perséinlech Goler fir seng Ekipp markéieren.

Samschdeg

Et war e spannende Match an der Halleffinall vun der Coppa Italia nodeems dem Kamil Rychlicki seng Ekipp déi éischt 2 Sätz mat 15:25 a 20:25 verluer huet mee sech dono opgerappelt huet an déi nächst 3 Sätz nach mat 25:16, 25:21 a 15:12 gewanne konnt. An der Finall trëfft Lube Civitanova den 23. Februar op Perugia déi mat 3:0 géint Modena gewonnen hunn.
Am Vollyball gewënnt de Lëtzebuerger Max Funk an der 2. Bundesliga-Nord mat TuS Mondorf an engem seréierten Match mat 3:2 (25:21 / 20:25 / 25:20 / 23:25 / 15:11) géint USC Braunschweig.