Am nationale Sport hunn um Donneschdeg e ganze Coup Federatiounen hir Matcher ofgesot. Och vun der FLT gouf d'Coupe annuléiert.

Wéi d'FLF um kuerz no 13 Auer en Donneschdeg matgedeelt huet, si wéinst dem Coronavirus all d'Futtball- a Futsalmatcher, vun en Donneschdeg un ofgesot. Et behält een d'Situatioun am Aen an informéiert bei eventuelle Changementer.

Kuerz no der Futtballfederatioun huet och d'Handballfederatioun alleguer d'Matcher an all de Kategorië vun dësem Weekend ofgesot. Um Freideg koum d'Informatioun, datt bis de Weekend vum 29. Mäerz gepaust gëtt. Wéi et duerno weider geet, steet elo nach net fest.

Och am Volleyball gi bis op Weideres keng Matcher méi gespillt. D'FLVB behält d'Situatioun am Aen a kuckt da wéi et weidergeet.

Am Tennis ginn de Weekend och keng Partië vun den FLT-Couppen gespillt. Dovu betraff sinn all d'Rencontere vum FLT-Cup, souwuel vun der Coupe Jeunes wéi och vum FLT-Cup bei de Senioren an der Coupe Seniors Plus.

No der Coupe am Basket huet d'FLBB en Donneschdeg matgedeelt, datt och alleguer déi aner Matcher dëse Weekend ofgesot sinn.

Keng Matcher ginn dann och de Weekend am Dëschtennis gespillt. Bis op Weideres ass d'Saison ënnerbrach, sou d'FLTT an engem Schreiwes.

Offiziellt Schreiwes vun der FLF

Décisions de la FLF en relation avec le CORONA COVID-19

Vu les récentes évolutions, le Conseil d’Administration de la FLF a pris la décision d’annuler tous les matches de football et de futsal au Luxembourg, ceci à partir d’aujourd’hui et jusqu’à nouvel ordre.
La FLF suivra la situation de très près et communiquera en temps utile pour la suite.

Offiziellt Schreiwes vun der FLH

De komplette Spillbetrieb vum Handball gëtt virleefeg bis de Weekend vum 29. Mäerz ausgesat.
D'FLH recommandéiert de Veräiner och, bis dohin an alle Kategorie keen Equippentraining ze organiséieren, well Kierperkontakt och kann zu Infektioune féieren.
Mir suivéieren d'Entwécklung an de nächsten Deeg genau fir déi richteg Mesuren zäitno ze huelen.

Offiziellt Schreiwes vun der FLVB

Par principe de précaution et afin de répondre aux inquiétudes de nos responsables des clubs, des joueurs et des parents, dues à la propagation de nouvelles peu rassurantes concernant le Covid-19, la Fédération Luxembourgeoise de Volleyball a décidé de suspendre, avec effet immédiat et jusqu’à nouvel ordre, toutes ses compétitions y compris le Final-4 de la Coupe de Luxembourg.
La FLVB suivra de près le développement de la situation et les recommandations formulées par la Direction de la Santé et communiquera en temps utile sur la reprise des activités.

Offiziellt Schreiwes vun der FLT

All Rencontere vun den FLT Coupen ofgesot!

D'Auswierkunge vum Corona Virus (COVID-19) sinn och all Dag verstäerkt am Sportberäich ze mierken. Duerch d'Dynamik déi d'Verbreedung vum Virus mat sech zitt ännert sech d'Situatioun immens schnell an doduerch si mëttel- a laangfristeg Prognosen net ze maachen.

De Conseil d’Administration vun der FLT huet wéinst der aktueller Evolutioun vun der Corona Virus Pandemie decidéiert dass all Rencontere vum FLT Cup ofgesot sinn an op spéider Datumen am Joer verréckelt wäerte ginn. Dovu betraff sinn all d'Rencontere vum FLT Cup, souwuel vun der Coupe Jeunes wéi och vum FLT Cup bei de Seniors an der Coupe Seniors Plus!

D'Lëtzebuerger Tennis Federatioun wäert d'Situatioun reegelméisseg analyséieren an d'Veräiner zäitno doriwwer informéiere wann nei relevant Informatioune virleien an nei Decisioune geholl goufen.

 

Schreiwes vun der FLBB

Der Basketballverband informiert, dass alle Basketballspiele in Luxemburg bis einschließlich kommenden Sonntag (15.03) abgesagt sind, dies aufgrund der rezenten Entwicklungen betreffend des “COVID – 19“-Virus. Die Absage gilt für alle Kategorien. Betont sei noch einmal, dass die Gesundheit der SpielerInnen und aller Menschen im Vordergrund steht. Wir verfolgen die Situation weiterhin und teilen weitere Maßnahmen so schnell wie möglich mit.

La FLBB vous informe que suite aux récentes évolutions concernant le virus “COVID – 19“ tous les matchs à partir d’aujourd’hui jusqu’à dimanche (15.03) sont annulés (dans toutes les catégories). Nous suivrons la situation de près et communiquerons d’autres mesures dès que possible. Il est rappelé que la santé des joueurs/joueuses et de toute la population est prioritaire.

Schreiwes vun der FLTT

No den neien Ukënnegunge vun der Regierung vun haut den Owend, an dem Wonsch vun den Autoritéiten dass een all Aktivitéite soll op dat beschränken, wat onbedéngt néideg ass, hu mir decidéiert, datt mir den Ament ALL eis national Dëschtennis-Kompetitioune mat effet immédiat, a bis op Weideres, ënnerbriechen.

Wéi et weidergeet, wäerte mir décidéieren a communiquéieren, wann d'Situatioun sech nees bis normaliséiert huet.