E Mëttwoch den Owend war et d'Suite vum 7. Spilldag an der Axa League am Handball.

Nodeems sech en Dënschdeg den Owend scho Miersch mat 27:26 géint de Standard an Esch mat 37:14 géint Péiteng behaapt haten, stoungen e Mëttwoch den Owend 2 weider Partië vum 7. Spilldag um Programm.

Schëffleng - Red Boys Déifferdeng 24:31

Déifferdeng ass direkt staark an de Match komm an ass och direkt vun Ufank un a Féierung gaangen. Mat 16:9 fir d'Red Boys ass et an d'Paus gaangen. Um Enn wann d'Red Boys 24:31 géint Schëffleng.

Spëtzematch Käerjeng - HB Diddeleng 34:24

Ganz ausgeglach war de Match ugaangen, sou dass et mat 14:14 no 30 Minutten an d'Paus gaangen ass. Zum Schluss wënnt Käerjeng dann awer mat 10 Goler Ënnerscheed mat 34:24.

En Donneschdeg den Owend gouf de 7. Spilldag mat der Partie Dikrech géint Bierchem ofgeschloss. An hei haten d'Gäscht d'Nues däitlech vir. Bis zum 3:3 no 6 Minutte konnt Dikrech mathalen, dono awer huet d'Bierchem de Kommando iwwerholl. Schonn an der Paus hate si e komfortabele Virsprong beim Stand vun 9:15, dee si am Laf vun der zweeter Hallschent weider ausbaue konnten, esou datt et zum Schluss 36:20 fir d'Réiserbänner stoung.