An der 2. Finall vun der Total League konnt sech den T71 Diddeleng mat 80:69 zu Walfer behaapten. D'Decisioun fält domat de 5. Juni am drëtte Match.

Diddeleng a Walfer mussen an den drëtte Match.
Nodeems sech d'Résidence Walfer an der éischter Finall vum Dammebasket-Championnat mat 79:64 behaapte konnt huet Diddeleng sech den 2. Match gekroopt.

Nodeems sech d'Résidence Walfer an der éischter Finall vum Dammebasket-Championnat mat 79:64 behaapte konnt, stoung den T71 an der zweeter Partie ënner Drock. Déi Diddelenger hunn dem Drock awer standgehalen a konnten d'Best-of-three-Serie duerch eng 80:69-Victoire op 1:1 ausgläichen.

Am éischte Véierel ware béid Ekippe konzentréiert a mam Bléck op de Score hu si sech och net vill huele gelooss. Am weidere Spillverlaf konnt sech d'Ekipp vun Diddeleng dann e Stéck ofsetzen a sou stoung et no zwee Véierel 43:37 fir d'Gäscht. Och an der zweeter Hallschent vum Match war den T71 weider spillbestëmmend a sou hu si sech um Enn verdéngt mat 80:69 géint Walfer duerchgesat.

Domat fält d'Decisioun ëm de Championstitel an der drëtter Finall, déi de 5. Juni um 20.00 Auer gespillt gëtt.