Am sechste Match vun der Finall-Serie hunn d’Bucks sech an eegener Hal 105 op 98 géint d’Phoenix Suns duerchgesat a wannen d’Serie domadder 4-2.

Et ass den 2. Championstitel an der Geschicht vum Veräin, genee 50 Joer nom 1. Titel am Joer 1971, deemools nach mat engem jonke Kareem Abdul-Jabbar esouwéi dem Oscar Roberston an der Ekipp.

Nodeems déi favoriséiert Bucks déi zwee éischt Matcher vun dëser Serie nach verluer haten, konnte si elo also déi nächst 4 Matcher um Stéck, an domat déi ganz Serie, fir sech entscheeden. Viru méi wéi 80.000 Fans, an der Fiserv Forum Arena zu Milwaukee konnten d'Bucks hir Victoire feieren.

Decisiven a wäertvollste Spiller (MVP) an der Final gouf de Griich Giannis Antetokounmpo, dat mat enger Moyenne vun 35.2 Punkten, 13.2 Rebounds, 5.0 Assists, 1.2 Steals an 1.8 Blocks pro Match.

Am Interview nom Match sot den emotionalen Antetokounmpo, dass et "een Job gouf, deen huet misse fäerdeg gestallt ginn." Hien hätt kéinten iwwerall higoen ma hie "konnt einfach net goen", a bei de Bucks ze bleiwen hätt geheescht, et op "déi haart Tour" ze maachen.

Mat senge 50 Punkten huet den MVP (most valuable player) vun de NBA-Finals och de Rekord fir déi meeschte Punkten an engem "Closeout"-Match an enger Finall-Serie vun der NBA agestallt, dee vum Bob Pettit am Joer 1958 opgestallt gouf.