E Samschdeg den Owend war et d'Suite vun de Véierelsfinallen an der Coupe de Luxembourg am Handball. Bierchem klappt Réiden an Déifferdeng Schëffleng.

An der Coupe de Luxembourg bei den Hären huet an de Véierelsfinallen e Samschdeg den Owend  Reiden mat 26 op 51 géint Bierchem de Kierzere gezunn. Bierchem steet domatt wéi och Diddeleng an 1/2-Finall.

Am aneren Match hat Déifferdeng doehm keng Problemer mat Schëffleng a ka sech däitlech mat 47:20 fir déi nächsten Ronn qualifizéieren.

Den HB Diddeleng huet deen éischten Ticket fir d'Halleffinalle vun der Coupe de Luxembourg am Handball geléist. E Freideg den Owend huet ee sech an de Véierelsfinalle mat 34:27 zu Péiteng duerchgesat. An der Paus stoung et 17:15 fir den HBD. Déi meescht Goler fir Diddeleng huet den Alexsiej Szyczkow geschoss.