Dobäi huet Walfer e 20 Punkte Virsprong verspillt. Bei den Dammen huet sech d'Etzella mat 93:60 géint Sparta Bartreng behaapt.

E Sonndeg den Owend war bei den Hären a bei den Dammen d'Suite vum 12. Spilldag am nationale Basketchampionnat.

Härebasket

An enger immens serréierter Partie verléiert d'Etzella doheem no Verlängerung mat 104:107 (18:30, 27:27, 20:28, 29:9, 10:13) géint Walfer. An enger immens serréierter Partie verléiert d'Etzella doheem no Verlängerung mat 104:107 (18:30, 27:27, 20:28, 29:9, 10:13) géint Walfer. D'Gäscht si mat 100 à l'heure gestart a louchen no 10 Minutte mat 12 Punkten am Avantage.

Dono ass Ettelbréck besser an de Match komm, ouni de Réckstand awer ze verkierzen. Nodeems den drëtte Quarter och nees kloer u Walfer gaangen ass, huet alles no enger Victoire fir Gindt a Co. ausgesinn. Ettelbréck huet dunn am leschte Quarter e 29:9 op den Terrain geluecht, sou dass si et tatsächlech nach an d'Overtime gepackt hunn. Hei hat um Enn Walfer awer de längeren Otem, sou dass si mat 107:104 géint d'Etzella gewannen.

Um fréien Owend scho konnt d’Arantia och den zweete Match géint d’Sparta an dëser Saison fir sech entscheeden, dat duerch ee gudde leschte Véierel mat 81:72 (20:18, 18:22, 18:21, 25:11).

Däitlech Victoire fir Diddeleng géint den AB Contern
Beschte Spiller beim aktuelle Champion war de Joe Kalmes, iwwerdeems och béid Amerikaner besser a Form kommen.

Iwwerraschend däitlech ka sech den T71 bei der 92:53-Victoire (26:18, 19:10, 23:14, 24:11) géint Contern duerchsetzen. Beschte Spiller beim aktuelle Champion war de Joe Kalmes, dee mat Ofstand déi meeschte Punkten aus senger Ekipp an och déi meeschte Rebounds hat.

Zu Hiefenech deet d’Lokalekipp sech schwéier, wënnt awer um Enn virun allem wéinst engem staarken drëtte Véierel mat 70:64 (13:14, 14:20, 19:8, 24:22) géint d’Musel Pikes.

Wéi erwaart hat den Tabelleleader aus Esch doheem géint de Racing kaum Problemer a konnt um Enn eng souverän 96:73-Victoire (24:19, 24:18, 27:19, 21:17) feieren.

An dann huet nach den Telstar ee serréierte Match bei der Amicale mat 80:88 (21:17, 28:10, 19:25, 20:28) verluer.

Dammebasket

Um Sonndeg Mëtteg huet sech d'Etzella mat 93:60 (16:13, 25:11, 31:23, 21:13) géint Sparta Bartreng behaapt.

Am Spëtzematch ka sech Walfer relativ däitlech mat 86:72 (31:17, 15:20, 23:23, 17:12) géint d’Musel Pikes duerchsetzen a kënnt op ee Punkt an der Tabell erun.

De Leader Diddeleng bleift iwwerdeems och géint de Gréngewald ouni Defaite dës Saison a wënnt mat 86:57 (15:19, 25:18, 20:12, 26:8).

D’Amicale behaapt sech no engem dominanten éischte Véierel mat 69:56 (22:6, 15:23, 15:15, 17:12) géint Contern.

Am leschte Match vum Owend ass et de Basket Esch, deen an enger enker Partie mat 64:59 (23:19, 7:20, 17:8, 17:12) géint den Tabelleleschten aus Wolz wënnt