Fir den zweete Lëtzebuerger Dëschtennis-Duo Sarah De Nutte an Eric Glod war schonn am éischte Match um Sonndeg Schluss. De Mladenovic gewënnt am Eenzel.

Op de European Championships zu München waren am Dëschtennis d'Ni Xia Lian an de Luka Mladenovic no engem 3:2-Succès (8:11, 11:8, 9:11, 11:4, 12:10) géint eng italienesch Koppel an d'Aachtelsfinallen am Dubbel-Mixed agezunn.

Am zweete Match war dunn awer Schluss fir de Lëtzebuerger Duo. Si verléieren an enger serréierter Partie mat 1:3 (10:12, 11:9, 7:11, 8:11) géint eng Koppel aus Rumänien.

D'Sarah De Nutte an den Eric Glod hunn dogéint an de 1/16-Finalle géint een Dubbel aus Däitschland 1:3 (8:11, 5:11, 10:12, 8:11) verluer a sinn domat eliminéiert.

De Luka Mladenovic war e Sonndeg am Nomëtteg och nach an der Gruppephas vum Eenzel gefuerdert. Do setzt hie sech souverän mat 3:0 (11:4, 11:8, 11:9) géint den Ivik Nielsen aus Grönland duerch. E Méindeg geet et fir de Lëtzebuerger an der Gruppephas weider.

Am Vëlossport waren de Colin Heiderscheid an de Cédric Pries an der Stroossecourse am Asaz. D'Resultat vun de Lëtzebuerger Cycliste fannt dir hei.