Bei den Dammen a bei den Häre sinn um Weekend d’Véierelsfinalle vun der Coupe gespillt ginn.

Bei den Hären hat de Chev Dikrech keng Problemer beim HB Museldall a konnt de Match géint den Underdog souverän mat 33:20 fir sech decidéieren. Am spannendste Härematch vum Dag hu sech d’Red Boys vun Déifferdeng mat 31:26 géint Diddeleng behaapt. Schonns zur Paus hate si sech eng kleng Féierung erausgespillt, déi si net méi hier ginn hunn. Schëffleng huet iwwerdeems däitlech mat 19:44 géint Bierchem de Kierzere gezunn. Den HB Esch huet näischt ubrenne gelooss a sech mat 53:27 zu Miersch duerchgesat. An der Paus stoung et schonn 24:15 fir d'Gäscht.

Coupe am Handball Red Boys-Diddeleng / Reportage Serge Olmo

Bei den Dammen huet den HC Standard Forfait erkläert, soudass d’Partie mat 20:0 un Diddeleng geet. Donieft zitt Dikrech no engem, wéi ze erwaarden, ganz enke Match zu Déifferdeng (22:21) och an d’Halleffinall an. Obwuel et an der Paus nach no engem enke Match ausgesinn huet, konnt den Handball Esch sech um Enn relativ kloer mat 26:19 géint den HB Museldall duerchsetzen. Am leschte Match ass Käerjeng senger Favoritteroll gerecht ginn, soudass den Titelverdeedeger sech däitlech mat 51:17 beim Zweetligist Réiden konnt behaapten.

Den Iwwerbléck vun de Resultater

Coupe Hären

Coupe Dammen