Viru ronn 150 Spectateuren ass Käerjeng besser an de Match komm a konnt sech séier en Avantage vun 3 Goaler erausspillen.

De Käerjenger Keeper Van Zeller huet an den éischte Minutte wichteg Parade gemaach. Den HBD huet sech am Ugrëff schwéier gedoen an och d'Defense huet net richteg zesummefonnt. No 26 Minutte war Käerjeng 6 Goler vir. Diddeleng konnt awer an de leschte Minutte virum Säitewiessel nach emol de Score reduzéieren an et ass mat engem 12-15 an d'Kabinnen.

An der zweeter Hallschent war Partie phaseweis hektesch, mee den HBD konnt säi Réckstand lues a lues ophuelen, fir no 40 Minutte mat 20-19 a Féierung ze leien. Käerjeng ass awer net nervös ginn an huet ënnert dem Impuls vu senge Réckraumspiller nees an de Match fonnt. Wéi dunn och nach de Käerjenger Keeper Michels e puer Parade gemaach huet, sinn d'Gäscht nees a Féierung gaangen. Diddeleng huet net méi anstänneg verdeedegt an och am Ugrëff huet bemol déi néideg Cleverness gefeelt. Um Enn gouf et déi 3 Néierlag noenee fir den neien HBD-Trainer Martin Hummel. Bescht Buteure waren op HBD-Säit den Josip Ilic mat 8 Goler an och Käerjenger Säit den Zekan a Vukicevic, mat allebéid 7 Goler.

Handball: Diddeleng klappt Käerjeng / Gilles Tricca

Esch a Bierchem deele sech d'Punkten

E Samschdeg den Owend war am nationalen Handball-Championnat bei den Hären den Optakt vum 2. Spilldag vun der 2. Ronn. Do krut den Handball Esch et mam HC Bierchem ze dinn. Béid Ekippe konnte sech um 1. Spilldag schonn déi éischt Victoire sécheren, déi Escher ware souguer nach ouni Punktverloscht am ganze Championnat.

Bierchem huet besser an de Match fonnt a louch no ronn 10 Minutte scho mat 4 Goler a Féierung. Den Handball Esch konnt dësen Ofstand laang net verklengeren an huet virun allem géint de Yann Hoffmann op Bierchemer Säit keng Mëttele fonnt. Um Enn vum éischten Duerchgang huet de Champion sech awer dunn nees gefaangen an ass ëmmer méi no erukomm. Duerch 4 Goler um Stéck sinn déi Escher souguer nach mat enger 15:14-Féierung an d’Kabinne gaangen.

An der zweeter Hallschent hat de Favorit du fréi eng Avance vu 4 Goler, ma déi Bierchemer hu sech zu kengem Zäitpunkt opginn. Ronn 7 Minutte viru Schluss louch den HB Esch mat 5 Goler a Féierung, ma Bierchem ass ganz staark zréckkomm a konnt ronn 30 Sekonne viru Schluss duerch dee staarken Hoffmann ausgläichen. Dobäi sollt et dunn och bleiwen, soudass de Match mat 30:30 op en Enn geet, wat gläichzäiteg och den éischte Punktverloscht fir déi Escher an dëser Saison ass.

Handball: Esch a Bierchem deele sech d’Punkten
Béid Ekippe konnte sech um 1. Spilldag schonn déi éischt Victoire sécheren, déi Escher ware souguer nach ouni Punktverloscht am ganze Championnat.

Axa League Hären

Spillplang Hären R2