Nodeems de leschte Véierel gespillt war, misst d'Résidence sech mat engem 67:84 geschloe ginn.

D'Damme vun der Walfer Résidence louche schonn am éischte Véierel mat 14:23 hannert dem Gréngewald. An d'Paus goung et du mat engem kloren 36:53 fir d'Ekipp vum Gréngewald. Am drëtte Véierel huet d'Résidence nach emol Gas ginn an huet sech mat 15:12 duerchgesat. Et sollt awer näischt bréngen - nom leschte Véierel missten d'Damme vun der Résidence sech mat 67:84 geschloe ginn.

Déi meescht Punkten an der Partie konnt d'Amanda Brooke Cahill vun der Résidence Walfer maachen. Si louch mat 26 Punkte knapp virum Lauren Anne Van Kleunen vum Gréngewald, déi 24 Punkte gemaach huet.

Diddelenger Damme setze sech ouni Problem zu Schieren duerch

Obuwel d'Black Frogs 10 Punkten Avance op den T71 haten, konnte sech d'Favoritten an dëser Partie kloer behaapten.

D'Ekipp aus der Nationale 2 konnt direkt am Ufank hir Avance op 12:0 ausbauen, ma dono huet Diddeleng séier ausgeglach. Déi lescht Féierung haten d'Damme vu Schiere bei 14:12, éier d'Gäscht vir koumen an dës Féierung net méi ofginn hunn. Nom éischte Véierel ware si scho mat 35:15 am Avantage an hunn dëst an der Paus op 59:21 ausgebaut. E ganzt änlecht Bild am drëtte Véierel, wou de schwaarze Fräsche just 3 Punkte gelonge sinn, si der awer 27 hu missten hinhuelen. De leschte Véierel war du manner spektakulär an däitlech méi enk. Dëse goung mat 9:5 un d'Gäscht an esou wannen déi Diddelenger ouni gréissere Problem dës Partie mat 95:29 a qualifizéiere sech domadder fir d'Halleffinallen.