Häre wannen den Tournoi, Damme kommen op Plaz 3
Béid Equippen hunn domadder absolut iwwerzeegt an den Directeur Sportif vun der Federatioun Burkhard Disch kann nëmmen e positive Bilan zéien.
FOTOGALERIE: Andréck vum Roland Miny op pressphoto.rtl.lu.
D'Lëtzebuerger Dammen, déi e Freideg 0:3 géint Albanien verluer haten a sech um Samschdeg 3:2 géint Norwegen behaapte konnten, hunn um Sonndeg 3:0 géint Liechtenstein gewonnen.
Domat kommen d'Dammen op déi drëtt Plaz. Si hu genee wéi Norwegen an Albanien 2 Matcher gewonnen, awer mat manner Punkten. A si hate jo souguer géint de spéidere Gewënner vum Tournoi gewonnen ...
Am Volleyball ass et jo esou, datt wann een 3-2 wennt, nëmmen zwee a keng 3 Punkten an der Tabell kritt.
Bei deem Score kritt de Verléierer och nach 1 Punkt, well jo zwee Sätz gewonne goufen.
Ranking:
1. Norwegen
2. Albanien
3. Lëtzebuerg
4. Liechtenstein
Drëtt Plaz fir Lëtzebuerg, iwwerreecht un d'Isabelle Frisch. / © Jang Mathes
D'Volleyball-Hären hunn hire leschte Match e Sonndeg um 17 Auer géint Island gespillt a kloer 3:0 gewonnen: 25:17, 25:18, 25:15.
E Freideg hate si sech 3:2 géint d'U21 aus Däitschland behaapt an um Samschdeg och 3:2 géint Aserbaidschan.
Domat gewanne si den Tournoi fir déi zweete Kéier. D'Equipe em de Kapitän Gilles Braas huet beim Novotel-Cup 2017 nees ënnerstrach op wéi engem héijen Niveau een ënnerwee ass.
© Jang Mathes
Ranking:
1. Lëtzebuerg
2. Däitschland
3. Island
4. Aserbaidschan
D'Präisiwwerreechung. / © Jang Mathes
Weider Infoen op novotelcup.lu.
Lëtzebuerger Matcher vum Sonndeg
[widget type="sport/novotel2017/20170101"]
Lëtzebuerger Matcher vum Samschdeg
[widget type="sport/novotel2017/20161231"]
Lëtzebuerger Matcher vum Freideg
[widget type="sport/novotel2017/20161230"]
