No engem séieren Depart konnte sech am éischten Tour den Duo Chopineaux a Jung vum Velo Club Hettange-Grande ofsetzen. Hannendru war et de Mil Morang, deen als éischte Lëtzebuerger koum. De Loïc Bettendorff hat e manner gudden Depart erwëscht. Hien an de Ken Conter hu sech am Laf vun der Course missen no vir schaffen.
Bei hallwer Course, no engem technesche Feeler vum Morang, huet de Loïc Bettendorff mam Ken Conter an dem Fransous Auxence Portal opgeschloss. An esou gouf sech eng spannend Schlussphase erwaart. Hei huet de Champion seng ganz Erfarung ausgenotzt. En huet sech eng kleng Avance vu ronn 10 Sekonnen erausgefuer an dës ass ni méi a Gefor geroden.
Op dem dach technesche Parcours ass d’Course ëm d’Podiumsplaze bis an de leschten Tour extreem spannend bliwwen. De Loïc Bettendorf gewënnt de Cyclocross um Bielesser Gaalgebierg. Hannendrun huet de Mil Morang den Ecart nach eng Kéier op 7 Sekonne kënne verkierzen. Den Auxence Portal setzt sech virum Ken Conter duerch a gouf domadder den Drëtten.
Um zweete Chrëschtdag geet et zu Déifferdeng weider. Hei gëtt op engem neie Parcours gefuer.
