Iwwert déi lescht Deeg goufen am Schwammsport dräi nei Lëtzebuerger Rekorder opgestallt.
Op der 10. Editioun vum Challenge international zu Diddeleng huet de Philippe Weyland e Samschdeg iwwer 100m Papillon seng eege Beschtzäit vun 52.28 Sekonne getoppt a mat engem Chrono vun 51.52 Sekonne fir en neien nationale Rekord gesuergt. E Sonndeg huet hien dann och op den 200 Meter am Papillon en neien nationale Rekord mat engem Chrono vun 1:54.56 Minutt opgestallt. Duerch dës Leeschtung soll de Philippe Weyland och un der WM am 25-Meter-Baseng zu Peking deelhuele kënnen.
Ee weideren nationale Rekord gëtt et da vum Emma Barthel. E Freideg ass déi jonk Schwëmmerin zu Wuppertal op de 400 Meter Quatre nages eng Zäit vu 4:48.16 geschwommen. An der Finall A vun den däitsche Championnater am klenge Baseng huet sech d'Emma Barthel um Enn op der 6. Plaz klasséiert.
