Am Schi Alpin huet de Lucas Pinheiro Braathen e Sonndeg de Slalom zu Levi virum Clément Noël an dem Loic Meillard gewonnen.
De Brasilianer war schonn nom éischten Duerchgang mat engem Chrono vun 52.69 Sekonnen dee Séiersten a louch domadder schonn 0,65 Sekonne virum Zweeten. Dës komfortabel Ausgangspositioun huet sech de Braathen dunn am zweeten Duerchgang net méi huele gelooss a wënnt domadder, wéi och schonn am leschte Joer, de Slalom zu Levi. De Clément Noël an de Loic Meillard haten um Enn en Ecart vun 0.56, respektiv 0.73 Sekonnen.
Weider geet et am Schi Alpin den nächste Weekend mam Slalom am éisträichesche Gurgl.
