An den USA an a Kanada am Asaz8 Medaile fir d'FLJudo

Sam Rickal

Ënner anerem huet de Micha Welter bei de Juniore a Florida an den USA Gold gewonnen. Donieft stoung d'Soukayna Moreira bei de Cadete zweemol um Podium.

Verëffentlecht: 10.11.26 12:33, Update: 10.11.26 12:47

De Micha Welter, hei an der Mëtt, huet bei de Juniore a Florida an den USA Gold gewonnen. © FLJudo

De Claudio Nunes Dos Santos, hei riets op der Foto, mat der Sëlwermedail. © FLJudo

D'Leni Welter, hei a wäiss, am Asaz. © FLJudo

Den Ugo Marchiori, hei riets op der Foto, mat der Bronzmedail. © FLJudo

Den Ismael Lustac, hei a wäiss, am Asaz. © FLJudo

Den Ugo Marchiori, hei a wäiss, am Asaz. © FLJudo

D'Soukanya Moreira, hei lénks op der Foto, mat der Sëlwermedail. © FLJudo

D'Leni Welter, hei ganz riets op der Foto, mat der Bronzmedail. © FLJudo

De Kevin Nunes Dos Santos, hei a blo, am Asaz. © FLJudo

The photos published on this site are subject to copyright and may not be copied, modified, or sold without the prior permission of the owner of the site in question.

Déi Lëtzebuerger Judo-Federatioun war souwuel vum 28. Oktober bis den 1. November a Florida an den USA, wéi och vum 5. bis den 8. November zu Québec a Kanada mat verschidden Judoka am Asaz a konnt e puer gutt Resultater opweisen.

Am grousse Ganze konnten d'FLJudo-Athleten 8 Medaile gewannen. Bei de Juniore konnt sech de Micha Welter an der Kategorie ënner 100 Kilo iwwer Gold freeën. D'Soukayna Moreira (Cadet, -52 kg) an de Claudio Nunes Dos Santos (-81 kg) konnte sech um selwechten Tournoi déi 2. Plaz sécheren. Donieft hunn den Ugo Marchiori (Cadet, -60 kg), de Kevin Nunes Dos Santos (Junior, -73 kg) an d'Leni Welter (Junior, -70 kg) d'Bronzmedail gewonnen.

Déi Lëtzebuerger Damme konnten och e puer Deeg drop hir gutt Performancen zu Québec a Kanada widderhuelen. D'Leni Welter (Junior, -70 kg) an d'Soukayna Moreira (Cadet, -52 kg) hu sech do um Enn iwwer déi 3. Plaz konnte freeën.