2013 ass d’Konzept vun der Artbox gebuer: een Dag am Liewe vun engem Kënschtler.

Mëttlerweil sinn iwwer 200 Artisten an de leschte Jore portraitéiert ginn. Ob Museker, plastesch Kënschtler, Schauspiller oder Auteuren, déi verschiddenst Beruffer sinn hei gewise ginn. Mir kucken zréck op déi beschten a stäerkste Momenter aus 6 Joer Artbox.

2020 kënnt d'Artbox eemol de Mount an engem längere Kulturmagasin um Sonndeg.
Wéinst der aktueller sanitärer Kris ginn den Ament keng nei Portraite gedréint.

Vum nächste Samschdeg (2.5) un, si mir nees do mat der Emission "No Art on Air", net wéi gewinnt aus dem "Gudde Wëllen", mä aus eisem neie provisoresche Studio.