Wéi bleift Energie abordabel? Dat ass d’Fro, op déi den däitsche Professer fir erneierbar Energië Volker Quaschning op enger Konferenz, op Invitatioun vun déi Gréng, Äntwerte ginn huet.
De Matgrënner vun der Beweegung «ScientistsforFuture» fuerscht zanter 2004 zu Berlin an ass dovunner iwwerzeegt, datt d’Energietransitioun net nëmmen iwwerfälleg, mä Klimaneutralitéit och déi beschten Äntwert op déi aktuell Klimakris ass.
Amplaz Spritpräisser mat Steiergelder ze subventionéieren an doduerch virun allem d’Pëtrolskonzerner ze bedéngen, sollt een elo mat aller Konsequenz aus de fossille Brennstoffer rausklammen. Net nëmme fir de Klimaschutz, mä och aus Käschtegrënn.
Iwwert alles dat wëlle mer mam Berliner Professer live bei eis um Radio schwätzen. De Volker Quaschning ass um 8 Auer eisen Invité vun der Redaktioun.
Rendez-vous fir den Interview mam Invité vun der Redaktioun all Dag vu méindes bis freides um 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op RTL Play ass d'Emissioun dono och am Replay ze fannen.
