RTL - VIDEO a BILLER vu neier Playstation: Sony bréngt den 3. Dezember eng Playstation-Classic Mini eraus!

Retro ass definitiv am Moment ugesot an der Gaming-Industrie. Och Sony wëll dohier elo eng Mini-Versioun vun der 1. Playstation op der Maart bréngen.

Sony huet et offiziell annoncéiert, et kënnt, ähnlech wéi d'NES-Mini Classic oder d'SNES-Mini Classic vun Nintendo, och elo eng nei Mini-Versioun vun der alleréischter Playstation, der groer Playstation 1 eraus.

Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.

Hei d'Fakten déi bis ewell gewosst sinn:

- d'Konsol kënnt mat 20 virinstalléiert Spiller

- Release-Datum ass den 3. Dezember, dat a Japan, Europa, Nordamerika, Australien a Neiséiland

- de Präis läit bei 99.99€

- Spiller déi bekannt sinn, dass se drop sinn: Final Fantasy VII, Tekken 3, Wild Arms, Jumping Flash a Ridge Racer Type 4 (Déi aner 15 Spiller sollen no a no bekannt ginn.)

- D'Konsol selwer soll, wéi bei Nintendo och, vill méi kleng sinn, manner wéi d'Halschent vun der Originaler Playstation 1. (45% an de Säitelängten an 80% manner am Volume)

- Och de Packaging soll sou authentesch wéi méiglech sinn

- 2 original Manetten

- HDMI an USB-Kabel inclus