Och wann et bei verschiddene Versioune vum Spill Problemer ginn, huet d'Spill deels Verkafsrekorder gebrach.

Cyberpunk 2077 huet Profit generéiert, iert d'Spill iwwerhaapt am Geschäft erauskomm ass. Am Finanz-Rapport vum polneschen Entwécklerstudio CD Projekt Red ass ze liesen, dass d'Spill alleguerten d'Entwécklungs- a Marketing-Käschte gedeckt.

Maacht bei eisem Gewënnspill mat a gewannt 1x Cyberpunk 2077 fir PC! Matmaache kënnt der nach bis den 31. Dezember.

Zënter iwwer 8 Joer ass d'Spill jo an der Entwécklung gewiescht, ma an Zukunft stinn nach weider Erweiderungen, DLCen an e Multiplayer-Deel um Programm. Wéini dës Saachen allerdéngs gepublished ginn, ass nach onkloer. Cyberpunkt gouf am Mee 2012 ugekënnegt, d'Entwécklerkäschte strecken sech dohier iwwert 8 Joer.

Am Ganze goufen 8 Millioune Spiller am virbestallt, ronn 74% vun dëse Bestellunge waren digital.

Kritik gouf et an der Vergaangenheet jo wéinst de schwaache Leeschtungen op de PS4- an Xbox One-Konsolen. Deels verständlech, well d'Spill extrem grouss ass a vill Leeschtung brauch, fir propper ze lafen. Um PC, PS5 an Xbox One X leeft Spill dogéint exzellent.