De legendären australesche Gittarist a Matgrënner vun der Rockband AC/DC, Malcolm Young, ass am Alter vu 64 Joer gestuerwen.

De laangjärege Rhythmusgittarist war viru 3 Joer schwéier krank ginn an huet doropshin d'Band verlooss. Hie gouf vu sengem Neveu Stevie ersat.

Wéi et heescht, wier de Museker e Samschdeg friddlech am Krees vu senger Famill verscheet.

De Malcom Young (l.) zesumme mat sengem Brudder Angus / © AFP

Knapp e Mount virdrun, den 23. Oktober, war et d'Nouvelle vum Dout vum eelste Brudder, dem George Young. Hie war 70 Joer al ginn.