Tyra & George Preston - Wild Side
Pop an Dance aus dem Grand-Duché. Den Numm Tyra huet ee bestëmmt schonn déi eng oder aner Kéier héieren....
.... dat am Kontext vu Lidder wéi Running, Heartbeat a Run To You déi et bis a Frankräich, Dänemark an ënner anerem och an der Schwäiz an divers Hitparade gepackt huet.
Mat Wild Side probéiert d'Tyra seng Fan-Base nach weider auszebauen a schafft sech lues awer sécher Richtung Debut-Album. D'lescht Woch ass d'Lidd offiziell erauskomm a konnt sech direkt am Lëtzebuergeschen iTunes-Store bemierkbar maachen, Plaz 3 an den Dance-Charts a Plaz 12 bei all de Genren, dat fänkt also scho mol gutt un. Fir den 3. Mee ass dann och e gréissere Concert mam Tyra geplangt, doriwwer an déi nei Single schwätzt déi jonk Kënschtlerin de 27. Februar kuerz virun 14:00 beim Laurent Gillander, d'Tyra huet sech fir en Interview ugemellt.
