D'Sonn war e Samschdeg an e Sonndeg um Rendezvous vum Begriefnes vum FFYS um Kierchbierg.

De Festival Food for your senses gouf de Weekend endgülteg mat engem sougenannte “Funeral Feast” begruewen. D'Organisateuren hunn elo no 13 Joer decidéiert, datt et eriwwer ass, ze schwiereg war d'Sich nom richtege Site ginn. Ma dës lescht Editioun sollt da mat villen Emotiounen an iwwerraschende musikalesche Combacks gefeiert ginn.

2012 huet sech déi bekannte Lëtzebuerger Band Eternal Tango opgeléist. Dacks gouf driwwer geschwat, ee Comeback ze feieren, ma de richtege Moment war awer ni do. Bis dat d'Offer koum um leschte Food for your Senses Festival ze spillen.

De FFYS-Festival war dann och dee Festival, wou besonnesch Lëtzebuergesch Gruppe sech iwwert all déi Jore konnte produzéieren, a fir Eternal Tango geet heimat ee Stéck vun der Lëtzebuerger Festival-Geschicht verluer.

Op der leschten Editioun vum Food for your senses hunn da wéi gewinnt eng ganz Rëtsch Lëtzebuerger Bands gespillt. Stëmmung war, wéi d'Organisateure sech et gewënscht haten. D'Leit hu gespaant op Bands wéi Versus you oder nach Inborn gewaart. Eternal Tango hunn du mat de Läb den éischten Owend ofgeschloss. An natierlech koum fir Eternal Tango d'Loscht op, fir ganz geschwënn erëm zesummen op der Bühn ze stoen. No engem éischte gelongenen Dag um FFYS waren och d'Organisateure méi wei zefridden.

Den zweeten Dag gouf de Festival dann och offiziell begruewen, een emotionelle Moment fir sou munch Spectateuren.

Ganz vill Leit bedaueren, datt dat heiten déi leschten Editioun war. Ma eng Fro hu sech ganz vill Leit de Weekend iwwer gestallt. Op iergendeen d'Motivatioun hätt, an Zukunft d'Organisatioun vum Festival z'iwwerhuelen. Fir d'Ekipp, déi schonn deels zënter 13 Joer un dësem Festival geschafft huet an en entwéckelt huet, ass de Schluss vum Owend ee ganz emotionale Moment.

FFYS: Lëtzebuerger Bands an emotionalen Ofschloss
De Festival Food for your senses gouf de Weekend endgülteg mat engem sougenannte “Funeral Feast” begruewen.

Funeral Feast: Déi lescht Editioun vum "Food for your senses"-Festival

De Festival Food for your Senses hat et ni einfach, bei der éischter Editioun 2007 zu Tënten war de Site ze kleng an d'Sich no der perfekter Plaz ass lass gaangen. A virun zwee Joer hunn d'Organisateuren endlech geduecht, si hätten um Kierchbierg nieft RTL den idealen Site fonnt. Ma och doraus gouf näischt, d'lescht Joer ass de Festival ofgesot ginn, deen ëmmerhin bei senger leschten Editioun 13.000 Spectateuren ugezunn hat.

Dëse Weekend gouf de Festival dann definitiv begruewen, op engem Site, deen zwar méi kleng war, doduerch awer nees méi e spezielle Charme a Kader hat.

VIDEO: "Food for your senses": 1. Dag vun der leschter Editioun
D'Sonn ass um Rendez-Vous vum Begriefnes vunm FFYS um Kierchbierg.

Line-Up: Kate Tempest, Defdump, Eternal Tango, Inborn!, de Läb oder the Disliked

Zanter dem 17. Mee ass de komplette Line-up vum Food For Your Senses-Festival bekannt. Opfälleg ass, dass virun allem bekannte Lëtzebuerger Bands op dëser leschter Editioun vum Festival gespillt hunn. Hei de komplette Line-Up op ee Bléck: