Am Kader vu senger "Ride Live Tour 2024" fënnt den Nico Santos de Wee och bis op Lëtzebuerg.

Loscht op cool HipHop-Beats, gemëscht mat smoothen R&B-Rhythmen, spueneschem Flair, Deep House a Pop? Da verhaalt Iech den 1. Mäerz 2024, da kënnt d'Ausnametalent Nico Santos fir seng alleréischt Arena-Tour op Esch an d'Rockhal. Dat huet den Atelier e Méindeg de Moie bekannt ginn.

D'Tickete ginn den 2. Dezember um 10 Auer an d'Vente, de PreSale leeft schonn e Mëttwoch 30. November op eventim.de.