De Fernand Fox huet eng laang Karriär als Schauspiller hannert sech, eng Joerzéngte laang Karriär, déi ville Lëtzebuerger nach gutt an Erënnerung hunn. Hei eng Partie Reaktioune, déi um Dënschdeg ze liese waren.

Ënnert anerem huet de Lëtzebuerger Kulturminister Eric Thill an enger éischter Reaktioun op den Doud vum Fernand Fox de Verloscht "vun onsem bekannteste Schauspiller" bedauert an der Famill a Frënn säi Bäileed ausgeschwat.

Eric Thill

Mat grousser Trauer huet och d'Lëtzebuerger Theaterfederatioun den Dout vum bekannte Schauspiller opgeholl. Zënter de 50er Joren wier hien op de Lëtzebuerger Bünen vill aktiv gewiescht a war ee vun den eelste Schauspiller am Land.

Lëtzebuerger Theater-Federatioun

Mat grousser Trauer huet och de Lëtzebuerger Filmfong op déi traureg Noriicht reagéiert a betount, dass de Fernand Fox a grousst Lach an der Lëtzebuerger Konschtwelt hannerléisst.

Lëtzebuerger Filmfong

De Grénge-Politiker Christian Kmiotek huet op Twitter betount, wéi hien de Fernand Fox als jonke Mënsch am Kabaret bewonnert a spéider och richteg schätze geléiert hätt a bezeechent hien als de gréisste Lëtzebuerger Schauspiller.

Christian Kmiotek

Den Thierry van Werveke, dee jo vill ze fréi schonn am Januar 2009 gestuerwen ass, hat dann och dacks Optrëtter virun der Kamera oder op der Bün. An deem Kader weist sech Fondatioun Thierry van Werveke betraff iwwert den Dout vum Fernand Fox.

Fondation Thierry van Werveke

Vun 1976-2004 huet de Fernand Fox och eng ganz Partie u Reklammen fir d'Assurance-Gesellschaft LaLux gedréit, déi nach ville Leit an de Käpp dierfte sinn. Si drécken an engem Post hir "déif Trauer" aus, nodeems si gewuer goufen, dass e Lëtzebuerger Schauspiller gestuerwen ass.

LaLux

RTL

© Lampertsbierger Geschichtsfrënn/Screenshot