Op den Diecher vun Tel Aviv erziele Spezialiste vun israeeleschen Unitéite wéi si no der brutaler Attack vun der Hamas op Israel virun 3 Joer een zynesche System applizéiert hunn den net nëmmen Terroristen, mee och dausenden Zivilisten d'Liewe kascht huet.
Mat kënschtlecher Intelligenz, Oflauschteraktiounen an Droneniwwerwaachung goufe Leit als Zilpersoun identifizéiert an ugegraff, woubäi den Doud vun hire Familljen an Nopere laut den Temoignagë wëssentlech mat a Kaf geholl gouf.
Wärend een d'Mënschen an den Appartementer zu Tel Aviv gesäit, erklären d'Zaldote wéi si nëmme 60 Kilometer méi wäit ganz Quartieren systematesch zerstéiert hunn. "Naza" ass ee wichtegt Zäitdokument dat weist wéi Revanchegedanken an Entmënschlechung aus enger Struktur vu Befeelsempfänger eng déidlech Maschinn maachen.
