Et kléngt no vill Spaass, ma d'Aktioun an der Stad hat e ganz serieuxen Hannergrond. Motto vun der Kësse-Schluecht war "Fight Parkinson".

Um Samschdeg hate sech vill Leit afonnt, déi d'"Parkinson-Fighter" ënnerstëtze wollten. Symbolesch gouf do eng grouss Kësse-Schluecht organiséiert. De "Pillow Fight" steet fir d'Kraaft, déi d'Patiente mussen opbréngen, fir mat dëser nach ëmmer onheelbarer Krankheet ze liewen.

Zil war et awer, esou Donen ze sammelen, déi an d'Recherche konnten investéiert ginn. Hannert dem "Pillow Fight" steet d'Lëtzebuerger Parkinson Studie a Fuerschung, zesumme mat 14 Lëtzebuerger Rotary Clibb.