RTL - En Zuch voller Elvissen zu Sydney: Fans an Imitateuren ënnerwee am Blue Suede Express op den Elvis-Festival

Den Elvis lieft, dat op d'mannst emol an den Häerzer vu ville Fans an déi dierften elo ënnerwee sinn op den Elvis-Festival am australesche Parkes.

En Donneschdeg waren deemno elauter Elvissen op der Gare zu Sydney. Do hu sech nämlech honnerten Elvis-Imitateure versammelt, fir mam "Blue Suede Express", engem blo-sëlweregen Zuch, op Parkes ze fueren. Am klenge ländlechen Uert, 350 Kilometer vun der Metropol ewech, treffe sech all Joer bis zu 25.000 Fans um Elvis-Festival.

Dat muss schonn zimmlech impressionnant gewiescht si mat "Glitter" a "Glamour" op all Eck.

Sideburns, sweat and blue suede shoes on Australia's Elvis train.

Elvis impersonators swaggered through Sydney's Central Station on Thursday, boarding the "Blue Suede Express" on an unlikely annual pilgrimage paying homage to The Kinghttps://t.co/zTvBeELIm9 pic.twitter.com/J2FMsq2d6B
— AFP News Agency (@AFP) January 11, 2024

Den éischten Elvis-Festival am australesche Parkes gouf 1993 organiséiert vun de lokale Restaurantsbesëtzer Bob an Anne Steel. Haut bezeechent sech déi kleng Stad mat ronn 10.000 Awunner ganz houfreg als "Elvis-Haapstad vun Australien".

Beim fënnefte Festival stinn dëst Joer nieft der Musek vum legendäre King of Rock Concoursen ëm de richtegen Elvis-Look um Programm, et gi literaresch Éierunge souwéi Konschtausstellungen.