Am Kader vun der Initiativ Movember huet d’Societéit Marques Confort sech dozou decidéiert, den Engagement vun der Fondation Cancer ze ënnerstëtzen.

Am November huet Marques Confort eng Solidaritéitsaktioun an d’Liewe geruff: Fir all Mataarbechter, deen sech wärend dësem Mount ee Schnauz wuesse gelooss huet, hunn si sech dozou engagéiert d’Fondation Cancer mat enger Spend vu 40 € ze ënnerstëtzen. Am Ganzen hu 40 Mataarbechter un dëser Aktioun deelgeholl. Esou konnt déi generéis Zomm vun 1.600 € der Direktesch vun der Fondation Cancer, Lucienne Thommes, iwwerreecht ginn.

« Ech si ganz frou an houfreg dëse Scheck der Fondation Cancer ze iwwerreechen. E reflektéiert de gemeinsamen Engagement vun eiser Firma an eise Mataarbechter fir un Aktiounen deelzehuele fir eng Saach z'ënnerstëtzen déi eis all betrëfft. » seet de Monsieur Mario Marques, Gérant a Fondateur vu Marques Confort.

Wärend der Scheckiwwerreechung huet d'Lucienne Thommes all Bedeelegten häerzlech Merci gesot. Dës Solidaritéitsaktiounen erméiglechen der Fondation Cancer, hir Missioune weider ze realiséieren: Informéieren, hëllefen an d'Fuerschung ënnerstëtzen.