Am Kader vun hirer Generalversammlung hunn d’Membere vun der Schëfflenger Kriibshëllef Asbl der Fondation Cancer eng generéis Spend vu 4.000 € iwwerreecht.

„Schëfflenger Kriibshëllef, mir engagéieren eis, well Kriibs betrëfft eis all“, esou de Motto vum Veräin, seet d’Nadine Kuhn-Metz, Sekretärin vun der Schëfflenger Kriibshëllef.
D’Direktesch vun der Fondation Cancer, d’Margot Heirendt, huet alle Bedeelegte vun dëser Aktioun häerzlech Merci gesot fir dëse Solidaritéits-Geste. Op Wonsch vum Veräin, gëtt dëse generéisen Don vun der Fondation Cancer genotzt fir weiderhi Patienten an hir Famillen am Alldag ze ënnerstëtzen.