Mäerzeg: Zënter 41 Joer besteht den Dammenturnclub vun Mäerzeg an zielt haut 25 Memberen. Niewt hiren sportlichen Aktivitéiten waren si och um kulturellen Duerfgeschéihen tätig an hun wärend ville Joeren den Tutti Fruttis- Bal an der Fueszäit zu Mäerzeg oganiséiert, den all Joers en groussen Erfolleg kannt huet. En Deel vum Erléis vun denen Aktivitéiten dovunner, gouf och fir e gudden Zweck gespend. Viru kurzem sinn am Kader vun enger duebeler Scheckiwerreechung am Restaurant Carpe Diem zu Grosbuss, die Gesamtzomm vun ëmmerhin 5 000 Euro iwerreecht gin. Souwi d’Madame Susan Vermaat, Trésorière vum lokalen Dammenturnclub erklärt huet, stellt dess Zomm den Erléis vun den Aktivitéiten duer, déi schon virun der Corona- Zäit organiséiert gi sin. Sou konnten d’Léa Baulesch an d’Sylvie Schaul e Scheck vun 2 500 Euro entgéint huelen, den der Vereenegung „Wonschkutsch“ zugut könnt. E weidere Scheck vun 2 500 Euro ass un d’Equipe vun „Soins palliativs“ aus dem CHdN iwereecht gin. Si waren vertrueden duerch d’Véronique Karier, Uneisa Jusofic an Patrick Schwartz. No hirem oprichtige Merci fir de schéine Geste vum Mäerzeger Dammenturnclub hun si d’Aufgabegbiet vun hiren Aktivitéiten am Detail erklärt, wou dess Suen fir hir Projeten och wirkungsvoll agesaat gin. (CR)