U sech war de Streik bis e Méindeg den Owend geplangt.

Den Informatioune vun der DPA no gëtt am Persouneverkéier nach bis e Méindeg de Moien 2 Auer gestreikt. Et soll dann och an den nächste Woche keng weider Streike méi ginn. E Samschdeg den Owend hunn déi Däitsch Bunn an d'Gewerkschaft GDL dës Informatioune confirméiert. De Streik ass e Méindeg um 2 Auer iwwer a geet net bis 18 Auer. Gestreikt gëtt net méi bis den 3. Mäerz, dorop hu sech béid Partie gëeenegt.

Vum 5. Februar u soll ënnert dem Ausschloss vun der Ëffentlechkeet iwwer Tariffer verhandelt ginn, sou d'DPA.

De Streik huet och Repercussiounen op Lëtzebuerg. Zanter e Mëttwoch hu keng Zich méi déi Lëtzebuergesch-Däitsch Grenz passéiert. D'Streck tëscht Waasserbëlleg an der Stad gëtt awer weider assuréiert. Fir d'CFL sinn esou Streiken ëmmer eng grouss Erausfuerderung.